الصفحة الرئيسية › ثقافة

ثقافة ليلى طوبال تعلٌّق على تصريح راشد الغنوشي بشأن ربط عودة الكورونا بإقالة المكّي، وتقول له: "الّي عملتوه في البلاد أخطر فيروس"

في تدوينة نشرتها صباح اليوم الاثنين 24 أوت 2020 على صفحتها الخاصة بموقع الفايسبوك، علّقت المسرحية ليلى طوبال على تصريح راشد الغنوشي رئيس مجلس النواب الذي قال فيه إنّ عودة انتشار فيروس كورونا في تونس سببه إقالة وزير الصحة السابق عبد اللطيف المكي.

واعتبرت ليلى طوبال أنّ فيروس الكورونا قدم إلى تونس منذ ما وصّفته بـ "الاحد الاسود 31 جانفي 2011"، وأفادت في تدوينتها ما يلي:  

"صباح الخير
الغنوشي قال الي الكورونا رجعت على خاطر استقالة المكي... الكورونا جات لتونس من الاحد الاسود 31 جانفي 2011... عاهدنا بأرواحنا ما زلنا نبننّوا بالحلمة... حلمة بنينة ألوانها شغل حرية كرامة وطنية... ياخي عدينا عشرة سنين هزّ ساق تغرق الاخرى... كورونا اغتالت شكري والبراهمي وذبحت الجنود ولغّمت الشعانبي وسفّرت الالاف لسوريا... كورونا برّكت اقتصاد البلاد وفرّغت الموارد... كورونا زادت في عدد البطّالة ركبوا قوارب الموت وتعشّى بيهم الحوت... كورونا تقتل ايوب الصغرون وتقتل سارة وتقتل آدم وقيس ... كورونا تتعشعش من أكداس الوسخ الفايض في الشطوط في الكياسات في السبيطارت في المدارس في المطار في الادارات... كورونا الّي هججّت العباد من بلادهم الي مستحقّلتلهم... كورونا العطش الكافر والجوع الكافر والمرضى الي ما لقاوش دواء... على آنا كورونا تحكي يا غنّوشي؟؟؟ الّي عملتوه في البلاد اخطر فيروس ... 10 سنين تحكموا والبلاد كل يوم تزيد فساد وخراب وما زلت عندكم الجرأة والرقعة والبهت تتكلمّوا على "مصلحة" تونس ومتصوّرين الي خيوط اللعبة ما زالت بيديكم... ما زلتوا تصدّعوا في وذنينا بكذبكم المفلّق ونفاقكم المبتذل... البلاد ماعادش تحمل حتى شي... البلاد بالسيف تهزّ في النفس كيما ايوب الصغرون... ايوب مشى عصفور جنّة واحنا جنتنا هالبلاد وموش باش نخلّيوها تموت..."